ఏసీబీకి చిక్కిన….రెవిన్యూ తిమింగలం

కామారెడ్డి, జనవరి 06 ( లోకంతీరు ) : కామారెడ్డి జిల్లా నాగిరెడ్డిపేట మండల తహశీల్దార్ యార్లగడ్డ శ్రీనివాస్ రావు ఏసీబీకి చిక్కారు. ఓ వ్యక్తి నుంచి లంచం తీసుకుంటూ రెడ్​ హ్యాండెడ్​గా పట్టుబడ్డాడు.ఏసీబీ అధికారులు తెలిపిన వివరాల ప్రకారం.. మండలంలోని ఓ వ్యక్తి వ్యవసాయ భూమిని తన పేరున బదిలీ చేసుకునేందుకు దరఖాస్తు చేసుకున్నాడు. కాగా.. బదిలీ చేయాలంటే డబ్బులు ఇవ్వాలని తహశీల్దార్​ డిమాండ్​ చేశాడు. దీంతో బాధితుడి ఏసీబీని ఆశ్రయించాడు. మంగళవారం రూ. 50వేల లంచం డబ్బులు అజయ్​ అనే ప్రైవేటు వ్యక్తి తీసుకుంటుండగా అనిశా అధికారులు రెడ్​ హ్యాండెడ్​గా పట్టుకున్నారు. అనంతరం తహశీల్దార్​ శ్రీనివాస్​ రావు, ప్రైవేటు వ్యక్తి అజయ్​లను అధికారులు అదుపులోకి తీసుకున్నారు. వారిని హైదరాబాద్​లోని ఏసీబీ కోర్టుకు తరలించారు.